Det blir ein glatt julaftan over nesten heile landet. Meteorologane har sendt ut gult farevarsel for is for Nordland og store delar av Sør-Noreg.
Dermed kan det bli vanskelege køyreforhold, åtvarar meteorologane.
Årsaka er mildvêr og regn som frys på bakken tysdag formiddag. Mildvêret startar i sør på Vestlandet og i Agder. Utover dagen breier det seg austover og nordover på Austlandet.
På kvelden gjeld isfaren også i Trøndelag.
I Nordland er det fare for is frå tysdag ettermiddag i område som ligg under 500 meter over havet.
(©NPK)