Totalt vart det registrert nesten 2,6 millionar overnattingar, ein auke på 1,5 prosent frå mars 2024, ifølgje Statistisk sentralbyrå (SSB).
Byrået skriv at europeiske land stod for ein betydeleg del av auken blant utlendingar. Storbritannia, Polen, Frankrike og Italia hadde til saman 30.000 fleire overnattingar enn i fjor. Overnattingar frå Kina dobla seg.
Hotella i Oslo, Trøndelag og Akershus bidrog mest til oppgangen. Ski-VM i Trondheim kan ha bidrege til auken i Trøndelag, der talet på utanlandske hotellovernattingar var dobbelt så høgt som i 2024 og 2023.
Samtidig var det ein nedgang for campingplassar, særleg for norske overnattingar. Mange campingplassar opnar først til påske, som i år fall i april.
(©NPK)