Den nye ordninga med 12 timar gratis skulefritidsordning (SFO) per veke for 1.–3. trinn har hatt ein markant effekt på deltakinga i skulefritidsordninga.
– Auken har vore spesielt stor i distriktskommunane, seier forskar Samuel Jones Gilje i SSB.
Samtidig er det dei sentrale kommunane som framleis har høgast del barn på SFO. Spesielt på 1. trinn har den relative auken likevel vore størst i mellomsentrale kommunar og distriktskommunar, skriv SSB.
I 2024 var det nesten 40.000 fleire barn på SFO samanlikna med 2020. I 2024 var det 187.085 barn som hadde plass i SFO, noko som svarer til ein auke på 27 prosent sidan 2020.
(©NPK)