Kvar tiande nordmann svarer at dei har svært dårleg eller ganske dårleg evne til å betale for mat og andre nødvendige utgifter, ifølgje ein Sifo-rapport.
Det er ein kraftig auke frå juni 2021 då andelen var 4 prosent, melder P4-nyheitene
, som har gått gjennom rapporten
frå Forbruksforskingsinstituttet som vart lagt fram måndag.
Tala gjer inntrykk, understrekar statsminister Jonas Gahr Støre (Ap).
– Veldig mykje av det vi treng mest i kvardagen og som vi kjøper mest av i butikken, som brød, kaffi, smør og pålegg, har vorte mykje dyrare, seier Støre.
Matprisane har stige med over 24 prosent sidan juni 2021, ifølgje SSB. Frp-leiar Sylvi Listhaug meiner utviklinga viser at det er behov for kutt i avgifter og matmoms.
Sifo-rapporten viser at 18 prosent av hushalda er å finne i kategorien «økonomisk utrygge hushald». I 2021 gjaldt dette 7 prosent.
(©NPK)