Stemningsfullt på historisk grunn

— Det var heilt fantastisk. Her blir det ei enormt flott ramme rundt ein konsert, og Hilde Selvikvåg passar veldig godt på ein slik plass, seier Anne Marte Waage Tveit.

Sidan ekteparet Veronika og Jone Tveit kjøpte den gamle handels- og industristaden Haraldseidvågen, med totalt 11 bygningar, i 2021, har dei drive eit omfattande restaureringsprosjekt. Dei var strålande fornøgde med responsen frå folk.

— Når du først lagar til noko og bruker mykje tid på det, er det alltid kjekt at folk stiller, seier Veronika.